ചോ: ഭക്തിമാർഗ്ഗവും ജ്ഞാന മാർഗ്ഗവും വ്യത്യസ്തമാണോ?
ഉ: ഭക്തിമാര്‍ഗ്ഗവും ജ്ഞാനമാര്‍ഗവും എല്ലാം ഒന്നാണ്‌.
ഭക്തി എന്നാൽ എല്ലാം ഈശ്വരനു സമർപ്പിക്കുന്നു (ആത്മസമര്‍പ്പണം). ജ്ഞാനം എന്നാൽ 'ഞാൻ' എന്താണെന്നു തേടുന്നു ( ആത്മവിചാരണ ). രണ്ടും ആത്മസാക്ഷാല്‍ക്കാരത്തില്‍ അവസാനിക്കുന്നു.
ഞാൻ ഈ ലോകത്തിലെ ഒരു ശരീരമെന്നു തെറ്റിദ്ധരിച്ച് എല്ലാവരും തനിക്കെന്തു സംഭവിക്കുന്നു് ചിന്തിച്ചു കൊണ്ടിരിക്കുന്നു. ഭക്തിമാർഗ്ഗത്തിൽ എല്ലാം ഈശ്വരന് വിട്ടുകൊടുത്ത് തന്നെപ്പറ്റി കൂടുതലൊന്നും ചിന്തിക്കാതിരിക്കുന്നു. അതാണ് ശരിയായ ആത്മസമര്‍പ്പണം. ജ്ഞാനത്തിലാകട്ടെ താൻ ശരീരമല്ലെന്നറിയുമ്പോൾ ശരീരത്തെപ്പറ്റി വേവലാതി ഇല്ലാതെയാകുന്നു.
രണ്ടിലും ദേഹാഭിമാനം പോകുമ്പോൾ അഹന്തയാകുന്ന ഊന്നുവടിയില്ലാതാകുന്നതിനാല്‍ വാസനകള്‍ എല്ലാം ഒഴിഞ്ഞ്‌ മോചനം ഉണ്ടാകും . വ്യക്തിബോധം ഇല്ലാതാവുന്നതാണ് മോക്ഷം .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ