ഒരു മോട്ടിവേഷൻ സ്പീക്കർ തന്റെ പരിപാടിക്കിടയിൽ ആളുകളോട് പറഞ്ഞു "ഇവിടെയുള്ളവർക്കൊന്നും ഒരു പ്രശ്നവും ഇല്ലെന്നു തോന്നുന്നു എല്ലാവരും വളരെ ശാന്തരായി തോന്നുന്നു"
ആളുകൾ ചിരിച്ചപ്പോൾ അദ്ദേഹം ചോദിച്ചു "ഇവിടെ ആർകെങ്കിലും എന്തെങ്കിലും പ്രശനം ഉണ്ടോ "മുഴുവൻ ആളുകളും കൈ ഉയർത്തി കാണിച്ചു .
അപ്പോൾ അദ്ദേഹം പറഞ്ഞു "പ്രശ്നങ്ങളിൽ നിന്നും മോചനം ആഗ്രഹിക്കുന്നവർ കൈ ഉയർത്തു " മുഴുവൻ ആളുകളും കൈ ഉയർത്തി കാണിച്ചു.
അദ്ദേഹം തുടർന്നു "ഈ ഹാളിലേക്ക് വരുന്ന വഴിയിൽ ഞാൻ ചിലരെ കണ്ടു . അധികം ദൂരത്തല്ല , അവിടെയുള്ളവരെല്ലാം വളരെ ശാന്തിയോട് പ്രശ്നങ്ങൾ ഒന്നുമില്ലാതെ കാണുന്നു . ആ സ്ഥാലം ഏതെന്നു അറിയുവാനും അവിടെ പോകണമെന്നും ആഗ്രഹിക്കുന്നവർ എത്ര പേരുണ്ട് ?' എല്ലാവരും ആകാംഷയോടു കൈ ഉയർത്തി കാണിച്ചു .
അദ്ദേഹം തുടർന്നു " ഒരു കിലോ മീറ്റർ ദൂരത്തായി പള്ളിയുടെ അടുത്തായി ഒരു സെമിത്തേരിയുണ്ട് അവിടെയുള്ളവരെല്ലാം വളരെ ശാന്തരാണ് . അവർക്കു അസ്വസ്ഥതതകളോ പ്രശ്നങ്ങളോ ഇല്ല , സന്തോഷവാന്മാരാണ് "
എന്നിട്ടു അദ്ദേഹം വീണ്ടും സദസിനെ നോക്കി പറഞ്ഞു " ഇനിയും പ്രശ്നങ്ങളിൽ മോചനം ആഗ്രഹിക്കുന്നവർ കൈ ഉയർത്തു " ആരും കൈ ഉയർത്തിയില്ല മുഴുവൻ ആളുകളും അവരുടെ കൈകൾ അവരുടെ പോക്കറ്റിലിട്ടു തല കുനിച്ചിരുന്നു.
അദ്ദേഹം തുടർന്നു -പ്രശ്നങ്ങൾ ഉണ്ട് എന്നത് നാം ജീവിച്ചിരിക്കുന്നു എന്നെത്തിന്റെ സൂചനയാണ്. പ്രശ്നങ്ങൾ ഇല്ലാത്ത അവസ്ഥ അറിയുക നാം മരണപ്പെട്ടിരിക്കുന്നു . അത് കൊണ്ട് ജീവിതത്തിൽ പ്രശ്നങ്ങളും സങ്കിർണതകളൂം കുറയുമ്പോൾ ദൈവത്തിന്റെ മുന്നിൽ മുട്ടുകാലിൽ നിന്ന് കൊണ്ട് ചോദിക്കുക - എന്ത് കൊണ്ടാണ് അങ്ങേ എനിക്ക് പ്രശ്നങ്ങൾ ഒന്നും തരാത്തത് ? എന്നിലുള്ള വിശ്വാസം നഷ്ടമായോ ? പ്രശ്നങ്ങൾ പരിഹരിക്കാനുള്ള എന്റെ കഴിവിൽ നീ സംതൃപ്‌തയല്ലേ ?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ